ASTANADA DIN MEN DÁSTÚR AIaSYNDA BILIM SAIYSY ÓTTI (FOTO)

24 qarasha 2024 159 0 Оqý rejımi

Qazaqstan musylmandary dinı basqarmasy Astana qalasy ókildiginiń uıymdastyrýymen din men dástúr aıasynda «Yryskeldi qajy» meshitinde er shákirtter arasynda «Bilimdi myńdy jyǵar» bilim saıysy ótti.

Sharaǵa Astana qalasynyń jáne «Áziret Sultan» meshitiniń bas ımamy Erbolat Júsipov, tarıh ǵylymdarynyń doktory, L.N. Gýmılev atyndaǵy Eýrazııa ulttyq ýnıversıtetiniń Eýrazııalyq zertteýler kafedrasynyń professory Maqsat Alpysbes, «Qamqor-Sharapat» salttyq qyzmet kórsetý ortalyǵynyń dırektory Meırambek Rsymov jáne elordanyń din qyzmetkerleri men jamaǵaty qatysty.

Ártúrli kezeńderden turatyn bilim saıysynda qatysýshylar komandalarǵa bólingen túrde óz bilimderin sarapqa saldy. Olar Ekran arqyly ózderi tańdaǵan uıashyqtan shyqqan suraqtarǵa shekteýli ýaqyt ishinde jaýap berýge tıis boldy. Nátıjesinde sharıǵat pen salt-dástúrdi ushtastyrǵan san alýan suraqtardyń jigin tarqatyp, uıymshyldyqtyń arqasynda tapqyrlyqtary men ónerlerin de ortaǵa saldy. Sondaı-aq, komandalar saıysta óz qoldarymen jasap shyqqan qolóner buıymdaryn kórsetip, «Din men dástúr» úshinshi kitabynan qoıylǵan suraqtarǵa jaýap berdi.

Saıys qorytyndysyn qazylar alqasy anyqtap, 1,2,3 orynǵa ıe bolǵan komandalarǵa 50 000 ₸, 30 000 ₸, 20 000 ₸ kóleminde aqshalaı syıaqylar berildi. Jáne arnaıy alǵys hattar tabystaldy.

Saıysqa qatysqan elordalyq meshit komandalary:

1. «Áziret Sultan» meshiti - «Aq orda» toby;

2. «Aqmeshit» meshiti - «Alash» toby;

3. «Ál-Fáttah» meshiti - «Turan» toby;

4. «Kóktal» meshiti - «Altyn orda» toby;

5. «S. Ǵylmanı» meshiti - «Qarashańyraq» toby;

6. «Rahymqyzy Raısa ana» meshiti - «Ilgeri» toby;

7. «Yryskeldi qajy» meshiti - «Saryarqa» toby;

8. «Áljan ana» meshiti - «Alǵyrlar» toby;

9. «Tólebaı» meshiti - «Namys» toby;

10. «Ábý Nasyr ál-Farabı» meshiti - «Nasyr» toby;

11 «Ás-Sálam» meshiti - «Barys» toby;