Astanada áıelder uıymdarynyń róli týraly konferentsııa bastaldy (FOTO)
Elordada «Jastardy rýhanı-adamgershilikke tárbıeleýdegi jáne radıkaldy dinı ıdeologııaǵa qarsy ımmýnıtet qalyptastyrýdaǵy áıelder uıymdarynyń róli» atty konferentsııa bastaldy, dep habarlaıdy kazislam.kz saıtyna silteme jasaǵan ummet.kz tilshisi.
Konferentsııa jumysyna 120-dan astam adam qatysty, olardyń qatarynda memlekettik organdardyń, úkimettik emes uıymdardyń, áıelder uıymdarynyń, joǵary oqý oryndarynyń ókilderi, sondaı-aq, respýblıkanyń ózge de aımaqtarynan kelgen jastar qozǵalysy men qoǵamdyq pikir kóshbasshylary bar.
Jıynǵa jetekshilik etken Qoǵamdyq damý mınıstrliginiń Qoǵamdyq kelisim komıteti tóraǵasynyń mindetin atqarýshy Qaısar Janahanov: «Biz jańa qoǵam qurý jolyndamyz, sondyqtan, jastarymyzǵa tárbıe berý máselesine erekshe kóńil bólemiz. Óıtkeni, elimizdegi beıbitshilik pen kelisimdi nyǵaıtý, halqymyzdyń salt-dástúrlerin jalǵastyrý men bekemdeý jaýapkershiligi — jastarǵa júktelgen» dep atap ótti.
Konferentsııa Qazaqstan Respýblıkasynda dinı Ekstremızm men terrorızmge qarsy is-qımyl jónindegi 2018 – 2022 jyldarǵa arnalǵan memlekettik baǵdarlamany iske asyrý aıasynda, áıelder men jastar úkimettik emes uıymdarynyń memlekettik organdarmen qoǵamda radıkaldy dinı ıdeologııaǵa qarsy ımmýnıtet qalyptastyrý jumysyndaǵy ózara árekettesý máselelerin talqylaý maqsatynda uıymdastyryldy.
Atalǵan konferentsııada zaıyrly memlekettegi din máseleleri, jastarǵa dinı Ekstremızmniń áser etýin boldyrmaý, rýhanı-adamgershilik tárbıe berý, jas qazaqstandyqtardyń azamattyq ustanymdaryn qalyptastyrý, sondaı-aq, destrýktıvti, radıkaldy dinı aǵymdarǵa múldem tózbeýshilikti qalyptastyrýdaǵy áıelder uıymdarynyń róli jónindegi máseleleri talqylanyp jatyr.
