ASTANA QALASYNYŃ BAS IMAMY ZAǴIPTAR KITAPHANASYN ZIIaRAT ETTI (FOTO)

QMDB Astana qalasynyń ókili, «Áziret Sultan» meshitiniń Bas ımamy Erbolat Júsipov bastaǵan ımamdar Astana qalasynyń kózi kórmeıtin jáne nashar kóretin azamattarǵa arnalǵan arnaıy kitaphanasyna at basyn buryp, sol jerdegi oqyrman qarııalarmen basqosty.

Ókil ımam Erbolat Nuryldauly taǵdyrdyń basqa salǵan qıyndyǵyna moıymaı, múmkindigi jetkenshe bilim izdený jolyna túsken qarttarǵa sóz demeýin berip, ilim izdenýdiń saýaby men dúnıelik jáne aqyrettik paıdalaryn tilge tıek ete ketti.

Sonymen qatar aq jaýlyqty analarymyz ben aqsaqaldarǵa musylmansha kádesyılar úlestirilip, QMDB Astana qalasy ókildigi atynan alǵys hattar tabystaldy. Jáne de Braıl shrıftimen jazylǵan Quran Kárim kitaptary kitaphana qoryna syıǵa berildi.

Aqsaqaldar qaýymy da ózderin zııarat etip kelip otyrǵan din qyzmetkerlerine óz alǵystary men rızashylyqtaryn bildire otyryp, aq batasyn berdi.

Jıynnan soń Bas ımam kitaphana jumysymen tanysyp, qajetti materıaldardy braıl júıesi boıynsha basyp shyǵaratyn tehnıkalyq jabdyqtarmen tanysty.

Sýretterdi tolyǵyraq «FOTOGALEREIa» aıdarynan kóre alasyzdar!

Источник: Aidos