ASTANA QALASYNYŃ BAS IMAMY KONSTITÝTsIIa KÚNINE ORAI JIYNǴA QATYSTY (FOTO)

Astana qalasy ákimdiginiń qoldaýymen, Dinderdi zertteý ortalyǵynyń uıymdastyrýymen, Qazaqstan Respýblıkasynyń Ulttyq mýzeıinde Konstıtýtsııa kúnine oraı saltanatty is-shara ótti. 

Is-shara maqsaty – dinaralyq jáne ultaralyq kelisimdi nyǵaıtý, sondaı-aq, Qazaqstan Respýblıkasy Konstıtýtsııasynyń memlekettik negizderi men azamattyq quqyqtardy nyǵaıtýdaǵy mańyzdylyǵyn aıqyndaý.

Sharaǵa QR MAM-niń Din ister komıtetiniń tóraǵasy Núkejanov Erjan Bolatqanuly, Astana qalasy Din isteri jónindegi basqarma basshysy Kóshqalı Qaırolla Dúıseshuly, Astana qalasynyń bas ımamy Júsipov Erbolat Nuryldauly, Ýspen Kafedraldi Soborynyń klıýchari Baıdek Dmıtrıı Fılıppovıch, «Astanadaǵy Qasıetti Márııam Rım-katolıktik Arhıeparhııasy» arhıepıskop-mıtropolıt Tomash Bernard PEta jáne  Astana q. «Evangeldik-Lıýterandyq shirkeý» Epıskopi Novgorodov Rostıslav Iýrevıch qatysty.

Aıtýly is-shara baǵdarlamasynda: shaqyrylǵan resmı tulǵalardyń quttyqtaý  sózderi, mádenı baǵdarlama, sondaı-aq, Qazaqstan Respýblıkasy Konstıtýtsııasynyń tarıhyna arnalǵan Ulttyq mýzeı zaldaryna Ekskýrsııa júrgizildi.

Atalǵan jıynnyń ártúrli dinı birlestikter arasyndaǵy ózara túsinistik pen turaqtylyqty saqtaýdaǵy róli erekshe. Sonymen qatar elimizdiń Ata zańy – Konstıtýtsııanyń  adam quqyqtary men negizgi qundylyqtarǵa basa mán beretindigin aıqyndaıdy.