Astana qalasynyń bas ımamy Baıqońyr aýdany meshitterin aralady

Astana qalasynyń bas ımamy Nurbek qajy Áýeshanuly Baıqońyr aýdanyna qarasty meshitterge arnaıy baryp, din qyzmetkerlerimen kezdesti.

Aldymen qala bas ımamy «Sádýaqas qajy Ǵylmanı» meshitinde bolyp, din qyzmetkerlerine arnalǵan semınar ótkizdi. Jıynda dinı qyzmettiń ereksheligi men jaýapkershiligi, din qyzmetkeriniń ádebi jáne meshittegi tazalyq mádenıeti sekildi úsh mańyzdy baǵytqa erekshe toqtalyp, ımamdardyń kásibı damýy, jamaǵatpen jumys júrgizý tásilderi jáne QMDB bekitken mindetterdi sapaly júzege asyrý máselelerin keńinen túsindirdi. Sondaı-aq Quran Kárimdi jatqa jáne mánerlep oqý boıynsha respýblıkalyq Quran jarysyna daıyndyq máseleleri talqylandy. Odan bólek meshittiń syrtqy ári ishki tarıhı kelbetin saqtaýǵa, tazalyq máselesine udaıy mán berý kerek ekenin atap ótti.

Semınardan keıin bas ımam besin namazyna qatysyp, jamaǵatqa nasıhat aıtty. Ýaǵyz barysynda birlik, yntymaq, izgilik jáne qoǵamdaǵy musylmannyń jaýapkershiligi jaıynda taǵylymdy oılarymen bólisti.

Sapar aıasynda Nurbek qajy Áýeshanuly meshit janyndaǵy «Sádýaqas qajy Ǵylmanı» murajaıyn aralap, qazaq rýhanııaty men dinı murasyna qatysty qundy jádigerlermen tanysty. Sonymen qatar Ǵylmanı muralaryna muqııat qarap, qundy jádigerlerge erekshe yqylas tanytýǵa shaqyrdy.

Odan keıin qala bas ımamy Óndiris aımaǵyndaǵy «Ar-Rahman» meshitine baryp, qulshylyq úıiniń tynys-tirshiliginen habardar boldy. Jıyn sońynda Astana qalasynyń bas ımamy din qyzmetkerlerine el ıgiligi jolyndaǵy qyzmetterine tabys tilep, QMDB bekitken mindetterdi birlese ári sapaly júzege asyrýdyń mańyzdylyǵyn atap ótip, dinı qyzmette shynaıy yqylaspen eńbek etýge shaqyrdy.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aisha