ASTANA QALASYNYŃ BAS IMAMY «ALQA» RADIOSYNA SUHBAT BERDI

Qazirgi tsıfrlyq zamanda dinı suraqqa jaýap tabý qıyn emes. Alaıda aqparat kóp ortada durys ári senimdi dinı málimetti qaıdan alý kerektigi mańyzdy. Osy máseleni arqaý etken «Alqa» radıosynyń tilshisi Qýat Ahmetjan «Áziret Sultan» meshitine arnaıy kelip, Astana qalasynyń bas ımamy Nurbek qajy Áýeshanulymen suhbattasty.

Suhbat barysynda dinı aqparatty senimdi derekkózderden alýdyń mańyzy, áleýmettik jelilerdegi feık dinı akkaýnttar men kúmándi aqparattyń jastarǵa yqpaly sóz boldy. Sondaı-aq teris aǵymdardyń yqpalyna túsýdiń aldyn alý jáne dinı saýattylyqty arttyrý máseleleri talqylandy.

Bas ımamǵa dinı suraqtarǵa jaýapty qaıdan izdeý kerek, áleýmettik jelidegi jalǵan dinı paraqshalardy qalaı ajyratýǵa bolady, meshitterdegi pátýa-keńes bólmeleri qandaı máseleler boıynsha keńes beredi degen saýaldar qoıyldy.

Sonymen qatar suhbatta otbasylyq janjaldardyń aldyn alýda ımamdardyń róli, din men dástúrdiń araqatynasy, shetelde dinı bilim alýdyń yqtımal qaýipteri, jastarǵa qajet tárbıe men bilim máseleleri de qamtyldy.

Áńgime barysynda bilim men tárbıeniń, eńbekqorlyq pen izdenistiń qatar júrýi, jastardyń dinı saýatymen birge ulttyq qundylyqtardy boıyna sińirýi qajettigi jóninde de pikir aıtyldy.

Suhbattyń tolyq nusqasyn «Alqa» radıosynyń arnaıy baǵdarlamasynan kórip, atalǵan taqyryptar boıynsha bas ımamnyń pikirin tyńdaı alasyz.

Источник: Aisha