Astana qalasy ókildiginiń kóshpeli otyrysy «Ál-Fattah» meshitinde ótti

Astana qalasynyń bas ımamy Erbolat Júsipov bastaǵan ókildik qyzmetkerleri elordadaǵy «Ál-Fattah» meshitine arnaıy baryp, kóshpeli otyrys ótkizdi.

Kezdesýde din qyzmetkerlerimen mańyzdy máseleler qaralyp, meshit jumysynyń sapasyn arttyrý, aǵartýshylyq baǵytty jandandyrý jáne jamaǵatpen baılanysty kúsheıtý boıynsha naqty mindetter aıqyndaldy.

Astana qalasy ókildiginiń bas esepshisi Qaırat Qasenov meshittiń býhgalterlik qujattarymen tanysyp, qarjylyq jumystardyń júrgizilý barysyn saralady. Al ókildiktiń is-basqarýshysy Jandillá Mamythanuly meshittiń ákimshilik-sharýashylyq qyzmetine qatysty máselelerdi pysyqtap, tıisti baǵyttar boıynsha usynystaryn jetkizdi.

Óz kezeginde meshittiń bas ımamy Baǵdat Ábdikárimov qulshylyq úıiniń búgingi tynys-tirshiligimen tanystyryp, jamaǵatpen júrgizilip jatqan túrli is-sharalar men atqarylǵan jumystar týraly baıandady.

Sapar aıasynda bas ımam jamaǵatpen júzdesip, besin namazynan keıin «Kórkem minez» taqyrybynda ýaǵyz-nasıhat aıtty. Ol óz sózinde ımandylyq, birlik jáne izgilik qundylyqtarynyń qoǵamdaǵy mańyzyn atap ótip, jamaǵatqa taǵylymdy oılarymen bólisti.

Is-sapar sońynda meshit ujymyna aldaǵy jumystarǵa sáttilik tilep, el ıgiligi jolyndaǵy qyzmetterine tabys tiledi.

Источник: Aisha