ASTANA QALASY DIN QYZMETKERLERINIŃ KEZEKTI RESPÝBLIKALYQ ATTESTATTAÝY BASTALDY (FOTO)
Búgin elordadaǵy Respýblıkalyq bas meshitte Astana qalasy din qyzmetkerleriniń kezekti respýblıkalyq attestattaýy ótip jatyr.
Aıtýly is-sharada QMDB Tóraǵasynyń orynbasary, naıb múftı, komıssııa tóraǵasy Kenjetaı Baıkemeluly ımamdarǵa Bas múftı Naýryzbaı qajy Taǵanulynyń sálemin jetkizip, attestattaýdan ótýdiń mańyzyn atap ótti.
Elorda din qyzmetkerleriniń búgingi attestattaý emtıhanyna komıssııa músheleri retinde Bas múftıdiń keńesshisi Smaıyl Súıerqululy, Dinı bilim jáne kadr daıarlaý bóliminiń meńgerýshisi Hasan Amanqul, Din isteri jáne taldaý bóliminiń meńgerýshisi Asan Tileýberdıev, sondaı-aq Sharıǵat jáne pátýa bóliminiń mamany Medet Qursaqov qatysyp jatyr.
Eń áýeli din qyzmetkerleri kompıýter arqyly aqıda, fıqh, ıslam tarıhy jáne zań boıynsha suraqtarǵa jaýap beredi. Keıin olarǵa aýyzsha qyraǵat, tájýıd, hadıs, din men dástúr jáne QMDB-nyń kontseptýaldyq qujattary boıynsha saýaldar qoıylady.
Aıta keteıik, din qyzmetkerleri (109 din mamany) A, V, S sanattary boıynsha emtıhan tapsyryp otyr.
Sýretterdi «FOTOGALEREIa» aıdarynan kóre alasyzdar!
