ASTANA ÓKILDIGINIŃ JASTAR ISI SEKTORY ALDAǴY FORÝM JUMYSYN TALQYLADY (FOTO)

Qazaqstan musylmandary dinı basqarmasy Jastar isi sektorynyń meńgerýshisi Baǵyjan Erbolatulynyń qatysýymen «Áziret Sultan» meshitinde arnaıy jıyn ótti.

Basqosý barysynda 18 qyrkúıek kúni «Islam jáne dástúr qundylyǵy» jyly aıasynda ótetin «Jastar – rýhanııat shamshyraǵy» atty II respýblıkalyq jastar forýmyna daıyndyq jumystary pysyqtaldy. Jáne bir kún buryn ıaǵnı, 17 qyrkúıek kúni Jastar keńesi ótpek. Osyǵan oraı Astana qalasy jastarynyń kómegi men atsalysýy óte mańyzdy ekendigi aıtyldy.

Sol sebepti Astana qalasy Jastar isi sektorynyń jetekshisi Rahymjan Joldas ókildikke qarasty meshitterdegi jaýapty mamandarǵa tıisti tapsyrmalar berip, aldaǵy forým jumysyna barynsha atsalysýǵa shaqyrdy. Ár meshittegi sektordyń jaýapty mamandaryna tapsyrmalar bólinip, sharaǵa bir kisideı atsalysýǵa shaqyryldy. Sondaı-aq, sektorǵa qarasty belsendi jastardyń oı-pikirleri men usynystary tyńdaldy.

Источник: Aidos