Astana meshitterinde merekelik bezendirý jumystary júrgizildi

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tapsyrmasyna sáıkes Qurban aıt merekesi qarsańynda Astana qalasyndaǵy meshitterde merekelik bezendirý jumystary júrgizildi.

Meshit aýmaqtaryna ulttyq naqyshtaǵy bezendirýler ornatylyp, din men dástúr sabaqtastyǵyn dáripteý maqsatynda kıiz úıler tigildi. Sonymen qatar merekelik bannerler ilinip, jamaǵatqa jaıly jaǵdaı jasaýǵa basa mán berildi.

Atalǵan jumystardyń basty maqsaty – Qurban aıttyń rýhanı mánin aıshyqtap, jamaǵat arasynda merekelik kóńil kúı qalyptastyrý, ulttyq qundylyqtar men izgi dástúrlerdi nasıhattaý. Sebebi Qurban aıt – musylman qaýymyn meıirimge, baýyrmaldyqqa, qaıyrymdylyq pen janashyrlyqqa úndeıtin ulyq mereke.

Bul kúnderi meshitterge kelýshilerdiń qatary artyp, jamaǵat aıt namazyn birge oryndap, bir-birine izgi tilekterin arnaıdy. Sondyqtan merekelik bezendirýler men ulttyq naqyshtaǵy kórinister aıttyń aıryqsha atmosferasyn sezinýge múmkindik berip, halyqtyń rýhanı birligin nyǵaıtýǵa qyzmet etedi.

Источник: Aisha