ASTANA MEShITTERI QURBAN AITQA SAQADAI SAI (FOTO)

QMDB Astana qalasy ókildigine qarasty barlyq meshitter aldaǵy Ulyq mereke – Qurban aıtqa daıyndyq jumystaryn pysyqtaýda.

Qulshylyq úıiniń ishi men aýlalary tolyqtaı tazalaýdan ótkizilip, qazaqy kıiz úıler tigildi. Aıta ketsek, bıyl Qurban aıt 16 maýsymda bastalady. Astana qalasynda aıt namazy tańǵy saǵat 06:00-de oqylady. Jamaǵatpen birge namaz oqylyp, sosyn meshit aýlalarynda ulttyq sport túrlerinen saıystar ótkiziledi.

Qurbandyǵyn onlaın túrde shalam deýshiler www.qurban2024.kz saıty arqyly qurbandyq malyn tańdap, Kaspi QR arqyly qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Tapsyrysyńyz sátti ótse uıaly telefonyńyzǵa sms habarlama keledi. Qurbandyq shalynǵan soń onyń foto jáne beıne esebi tapsyrys berýshi kórsetken nómirge jiberiledi.