«Astana» medresesiniń qyzdar bóliminde Máýlit sharasy ótti (FOTO)

Ardaqty Alla Elshiniń (oǵan Allanyń salaýaty men sálemi bolsyn) Máýlitine oraı el meshitteri men medreselerde mádenı is-sharalar uıymdastyrylyp keledi. Osyǵan oraı «Astana» medresesiniń «Áljan ana» meshiti janynda ornalasqan qyzdar bóliminde Máýlit keshi ótti.

Sharaǵa QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly arnaıy qatysyp, quttyqtaý sóz sóıledi.

Medresedegi mádenı sharaǵa QMDB-nyń Dinı bilim jáne kadr daıyndaý bóliminiń bastyǵy Beıbit Myrzageldıev, «Áljan» ana meshitiniń bas ımamy Ádilhan Serikbaı, «Astana» medresesiniń dırektory Ibrahım Smataev, «Astana» medresesi dırektorynyń orynbasary Qanat Ońǵarbaev qatarly dinı-rýhanııat ókilderi de qatysty.

Máýlit merekesine oraı, shákirtter daıyndaǵan mádenı qoıylymdar qoıylyp, rýhanı baǵdarlamalar kórsetildi. Sharanyń joǵary deńgeıde ótýine «Sádýaqas qajy Ǵylmanı» meshiti janyndaǵy, meshit ustazy Álııa Aýsaǵatova jetekshilik etetin Analar mektebi atsalysty.

Sýretterdi «FOTOGALEREIa» aıdarynan kóre alasyzdar!