«Astana» medrese-kolledjine jańa dırektor taǵaıyndaldy

Búgin, qasıetti juma kúni QMDB Tóraǵasy, Bas múftı Naýryzbaı qajy Taǵanulynyń buıryǵymen Baqtybaı qajy Beısenbaev «Astana» medrese-kolledjiniń dırektory bolyp taǵaıyndaldy.

Baqtybaı Qydyrbaıuly Beısenbaev

Bilimi:

1992 jyly Ándijandaǵy «Saıd Mýhıddın Mahdým» medresesin, 1996 jyly Tashkenttegi Imam Býharı ıslam ınstıtýtyn támamdaǵan. 2012 jyly Evrazııa ýnıversıtetiniń «Dintaný» mamandyǵy boıynsha magıstratýrasyn, 2016 jyly Nur Múbarak ýnıversıtetiniń doktorantýrasyn bitirdi.

Eńbek joly:

1996-1998 jyldary OQO Saryaǵash aýdany Túmen ata meshitiniń bas ımamy, 1998-2003 jyldary osy aýdannyń M.Okorokov atyndaǵy orta mektebiniń arab tili pániniń muǵalimi, 2003-2005 jyldary QMDB Dinı oqý-aǵartý bóliminiń referenti boldy.

2005-2013 jyldary Almatydaǵy Nur Múbarak meshitiniń, elordadaǵy S.Ǵylmanı meshitiniń bas ımamy, 2013-2014 jyldary Almaty qalalyq ortalyq meshitiniń naıb ımamy qyzmetin atqardy.

2014-2018 jyldary QMDB Dinı bilim jáne ǵylym (qazirgi Dinı bilim jáne kadr daıyndaý) bóliminiń meńgerýshisi, 2018 jyldan bastap QMDB-nyń OQO boıynsha ókil ımamy, Shymkent qalasynyń bas ımamy qyzmetin atqardy.