«Astana» medrese-kolledjine qabyldaý emtıhany ótti (VIDEO+FOTO)

QMDB-ǵa qarasty «Astana» medrese-kolledjine 2019-2020 oqý jylyna jańadan shákirt qabyldaý emtıhany ótti.

Úmitkerlerden synaq qabyldaýǵa  QMDB-nyń dinı bilim jáne kadr daıyndaý bóliminiń basshysy Myrzageldıev Beıbit Álipbekuly, QMDB-nyń Dinı bilim jáne kadr daıyndaý bóliminiń mamany Kojın Jańabaı Maratuly, Astana medrese kolledjiniń dırektory Smataev Ibrahım Keldibaıuly jáne birinshi orynbasary Ońǵarbaev Qanat Qalymbetuly qatarly mamandar qatysty.

Qabyldaý komıssııasy úmitkerlerdi arnaıy bılet boıynsha aýyzsha synaqtan ótkizdi. Qazaqstan tarıhy, qazaq tili jáne arnaıy pánderden emtıhan tapsyrǵan úmitkerler ishinen úzdik nátıje kórsetken 35 shákirt tańdap alynatyn bolady.

Taǵy bir aıta keterligi bıyl «Astana» medresesinde arnaıy qyzdar bólimi ashylǵan bolatyn. Atalǵan bólimge túsýge nıetti qarakózderimiz de synaq tapsyryp, bilim deńgeılerin kórsetti. Jańadan ashylǵan qyzdar bólimi «Áljan ana» meshitiniń janyndaǵy medrese ǵımaratynda oqıtyn bolady.