ASTANA IMAMDARY QURBAN AITQA DAIYNDYQ JIYNYN ÓTKIZDI (FOTO)

Astana qalasynyń ókili, «Áziret Sultan» meshitiniń bas ımamy Erbolat Júsipovtyń basshylyǵymen Astana qalasyndaǵy «Dostyq úıinde» alda kele jatqan Ulyq mereke – Qurban aıtqa daıyndyq jumystaryn pysyqtaý jıyny bolyp ótti.

Basqosýda Qurban aıtqa qatysty barlyq máseleler jan-jaqty qaralyp, qala bas ımamy Erbolat Nuryldauly ókildik ımamdaryna tıisti tapsyrmalardy júktedi. Jıyn sońynda elimizge Qurban aıt meıramynyń berekesi násip etsin dep kópshilikpen duǵa jasaldy.

Aıta ketsek, bıyl Qurban aıt 16 maýsymda bastalady. Astana qalasynda aıt namazy tańǵy saǵat 06:00-de oqylady. Qurbandyǵyn onlaın túrde shalam deýshiler www.qurban2024.kz saıty arqyly qurbandyq malyn tańdap, Kaspi QR arqyly qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Tapsyrysyńyz sátti ótse uıaly telefonyńyzǵa sms habarlama keledi. Qurbandyq shalynǵan soń onyń foto jáne beıne esebi tapsyrys berýshi kórsetken nómirge jiberiledi.

Источник: Aidos