ASTANA IMAMDARY AǴASh OTYRǴYZÝ NAÝQANYNA QATYSTY (FOTO)

Búgin QMDB Astana qalasynyń ókili, «Áziret Sultan» meshitiniń bas ımamy Erbolat Júsipov bastaǵan Astana qalasynyń ımamdary qala ákimdigi jáne jastar uıymdarynyń uıymdastyrýymen ótip jatqan «Taza Qazaqstan» Ekologııalyq aktsııasyna qatysty.

Aıta ketsek, memleket basshysy eldi aýqymdy kógaldandyrýdyń, Ekologııalyq ahýaldy jaqsartýdyń mańyzdylyǵyn aıtyp keledi. Osy turǵydan Respýblıka boıynsha bes aptaǵa sozylǵan «Taza Qazaqstan» Ekologııalyq aktsııasy bastaý alǵan bolatyn.

Sharıǵatymyz da tazalyq saqtaýǵa, aýlany jáne qorshaǵan ortany lastamaı, taza ustaýǵa shaqyrady. «Kimde-kimniń qolynda bir aǵashtyń kósheti (tal shybyǵy) bolsa, qııamet qaıym bastalyp ketkenshe qolyndaǵy kóshetti egýge úlgiretin shama bolsa, sony dereý otyrǵyzyp úlgersin» deıdi Paıǵambarymyz (oǵan Allanyń salaýaty men sálemi bolsyn). 

Источник: Aidos