«ÁS-SÁLAM» MEShITINDE MÁÝLIT KEShI ÓTTI (FOTO)

QMDB Astana qalasy ókildigine qarasty «Ás-Sálam» meshitinde Paıǵambarymyz Muhammedtiń (ﷺ) týǵan aıyna oraı Máýlit keshi ótkizildi. Rýhanı otyrysqa «Áziret Sultan» meshitiniń naıb ımamy Jumanazar Sadyrhanov, meshit ımamy Dastan Zııashuly jáne qulshylyq úıiniń jamaǵaty qatysty.

Sharada Quran Kárimniń qasıetti aıattary oqylyp, jıylǵan jamaǵatqa as berildi. Kesh qonaǵy Jumanazar qarı Óserhanuly kópshilik qaýymǵa ýaǵyz-nasıhat aıtyp, Paıǵambarymyzdyń (ﷺ) ómirbaıanynan, ónegege toly ǵumyrynan syr shertti. Kesh sońyna qaraı ult tarıhynan suraq-jaýaptar uıymdastyrylyp, syılyqqa kitaptar taratyldy.

Aıta ketsek, qazir musylmandyq kúntizbe (hıjrı jyl sanaýy) boıynsha Paıǵambarymyz (ﷺ) ómirge kelgen qasıetti Máýlit (Rabıǵýl áýýál) aıyndamyz. Bul aıda Alla Elshisine (ﷺ) kóp salaýattar aıtylyp, meshitterde rýhanı keshter ótedi, máýlit jyry oqylyp, eki dúnıe sardaryna sálemder joldanady. Allanyń berekesi daryǵan ıgi sharalardan siz de qapy qalmańyz!