«ÁS-SÁLAM» MEShITINDE KÓPBALALY ANALARǴA QAIYRYMDYLYQ JASALDY (FOTO)
«Ás-Sálam» meshitinde Astana qalasy ókildigi «Zeket jáne Qaıyrymdylyq» qorynyń uıymdastyrýymen Máýlit aıy jáne «Analar kúni» qurmetine kóp balaly otbasylarǵa qaıyrymdylyq aktsııasy ótti.
Sharaǵa «Zeket jáne Qaıyrymdylyq» qorynyń Astana qalasy ókildigi boıynsha jaýapty mamany Orazbaı Nurbol Qablanuly, «Ás-Sálam» meshitiniń bas ımamy Dastan Zııashuly jáne jamaǵat qatysty.
Qaıyrymdylyq sharasynda áleýmettik kómekke muqtaj otbasylarǵa jalpy 500 keli un jáne 250 lıtr maı úlestirildi. Jınalǵan jurtshylyqqa uıymdastyrýshylar tarapynan úgit-nasıhat aıtylyp, sózben demeý berildi. Kópbalaly analardyń alǵysy men rızashylyǵyn alǵan meshit qyzmetkerleri jıyn sońynda duǵa jasap, Alladan berekeli nesibe násip etsin dep duǵa tiledi.
