Arystyqtarǵa alǵashqy kómek meshitten jetti (FOTO)

QMBD Tóraǵasy, Bas Múftı Serikbaı Orazdyń tikeleı tapsyrmasymen Túrkistan oblystyq jáne Shymkent qalalyq ókildikteri arystyqtarǵa alǵash bolyp kómek kórsetti. Adamdardy qabyldaý tańerteńnen beri  jalǵasýda.

Abyr-sabyrda abdyrap qalǵan jurt aldymen meshitterge barǵan. Arystaǵy bala-baqshada júrgen balalardy Shymkentke alyp ketken. Meshitke ornalastyrylǵan búldirshinderdi ata-analary izdep kelip, qaýyshyp jatqan jaıy bar.

Shymkenttegi Aq meshitke oblystyq meshitterden de kómekke azyq-túlik jetkizilip jatyr. Meshit te, medrese ǵımaraty da lyq toldy.

Arysqa alys-jaqyn aýdandardan da járdem berilýde. Túrkistan oblystyq jáne qalalyq meshitterde de qonystanǵan jandarǵa as berilip, jaǵdaı jasalǵan.

Túrkistan qalalyq meshitteriniń uıytqy bolýymen Arysqa 7 avtobýs attandyryldy. Adamdardy ımamdar tosyp tur. Meshitterge syımaǵan arystyqtardy ákimdikter mektepterge ornalastyryp jatyr.

Bas Múftı meshitter tarapynan tıisti járdem berilýin óz baqylaýyna aldy. Qapııada jaqynynan kóz jazyp, qara jamylyp qalǵan otbasyǵa kóńil aıtamyz.

Alla Taǵala qazanyń artyn qaıyrly etsin, apattardan aman saqtasyn, arystyqtarǵa sabyr bersin! Áýmın!