Arystyqtar jyl sońyna deıin salyqtan bosatylady
Arys qalasynyń salyq tóleýshilerine jyl sońyna deıin salyq kanıkýldary usynylady, - dep habarlaıdy Tengrinews.kz tilshisi Qarjy mınıstrligi Memlekettik kirister komıtetiniń baspasóz qyzmetine silteme jasap. Komıtettegilerdiń málimetinshe, Arystaǵy salyq tóleýshilerge salyqtardy óndirip alýdyń májbúrleý sharalary men tásilderi qoldanylmaıdy.
«Arys qalasynda 792 zańdy tulǵa, 3 085 dara kásipkerler men 65 465 jeke tulǵalar tirkelgenin nazarǵa salamyz. Qarjy mınıstrligi MKKArys qalasynyń salyq tóleýshilerine salyq kanıkýlyn usynady. Bul shara Arys qalasyn qalpyna keltirý jáne onyń áleýmettik - Ekonomıkalyq damýyn qamtamasyz etý úshin tótenshe jaǵdaı saldaryn joıý jónindegi komıssııanyń otyrysynda aıtylǵan premer-mınıstrdiń tapsyrmasynda kórsetilgen», - delingen vedomstvonyń habarlamasynda.
Sondaı-aq, calyq bereshegi bar salyq tóleýshiler boıynsha merzimin keıinge qaldyrý jáne uzartý boıynsha jumys qysqa merzimde jáne ońaılatylǵan tártipte júrgiziletini aıtylady.
Arys qalasynyń barlyq salyq tóleýshilerine:
- dara kásipkerlerdiń jekelegen sanattarynyń qyzmetin ońaılatylǵan tártipte toqtatý úshin;
- Elektrondy túrde qosylǵan qun salyǵy boıynsha tirkeý esebine qoıý úshin qosylǵan qun salyǵy boıynsha tirkeý esebi týraly salyqtyq ótinishti berý quqyǵyn usynýǵa;
- salyq eseptiligin tabys etýdi uzartý quqyǵyn berý (uzartý múmkindigi 1 aıǵa deıingi merzimge);
- salyq eseptiligin tabys etýdi (uzartý, qaıta bastaý) toqtatý múmkindigi berildi.
Vedomstvo málimetinshe, mundaı salyq tóleýshilerge salyqtyq ákimshilendirý sharalary qoldanylmaıdy, salyqtyq bereshekterdi óteý týraly habarlama joldanbaıdy, salyq tóleýshiniń (salyq agentiniń) kassasy boıynsha, banktik shottary boıynsha shyǵys operatsııalary toqtatylmaıdy, salyq tóleýshiniń (salyq agentiniń) múligineshekteý ókimi shyǵarylmaıdy, salyqtyq bereshekterdi májbúrlep óndirý sharalary qoldanylmaıdy.
Budan bólek, komıtettiń barlyq kóshpeli salyqtyq tekserýdi, sondaı-aq basqa da salyqtyq baqylaýlardy shekteıtini aıtylady.
