«ÁR-RAHMAN» MEShITINDE MÁÝLIT KEShI BOLYP ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Ár-Rahman» meshitinde súıikti Paıǵambarymyz (s.ǵ.s) týylǵan Rabıǵýl áýýál aıynyń qurmetine oraı Máýlit keshi uıymdastyryldy.

Meshit ımamy Jandos Atambaevtyń uıymdastyrýymen ótken rýhanı sharaǵa «Áziret Sultan» meshitiniń naıb ımamy Omar Sálimbekov, Respýblıkalyq Bas meshittiń ustazy Murtaza qarı Balahmet jáne meshit jamaǵaty qatysty.

Berekeli jıynda Paıǵambarymyzǵa (s.ǵ.s) degen súıispenshilik jaıly ýaǵyz aıtylyp, ustazdar eki dúnıe sardaryn shynaıy jaqsy kórýdiń qanshalyqty mańyzdy ekendigin jetkizdi.  

Aıtýly merekege aıryqsha daıyndalǵan meshit qyzmetkerleri de jamaǵatqa erekshe syı-qurmet kórsetip, aq dastarhan basynda ónegege tolyq suhbattar júrdi.

Budan keıin Bárzánjı máýlitin oqyp, Paıǵambarymyzǵa (s.ǵ.s) sálem-salaýattar joldandy.

Kesh sońynda arnaıy Máýlit keshiniń qurmetine jaıylǵan dastarhan basynda  Quran oqylyp, elimizdiń amandyǵy men tynyshtyǵy úshin duǵa jasaldy.

Источник: Aidos