«ÁR-RAHMAN» MEShITINDE 35 MUQTAJ OTBASYǴA QAIYRYMDYLYQ JASALDY (FOTO)

Astana qalasy ókildigi «Zeket jáne qaıyrymdylyq» qorynyń uıymdastyrýymen «Taıqazan» jobasy aıasynda «Ár-Rahman» meshitinde muqtaj jandarǵa arnalǵan qaıyrymdylyq is-sharasy ótti.

Qazaqstan musylmandary dinı basqarmasynyń 35 jyldyq mereıtoıy men qasıetti «Erejep» aıynyń qurmetine oraı ıgi bastamaǵa Astana qalasy ókildigi uıytqy boldy.

Sharaǵa QMDB «Zeket jáne qaıyrymdylyq» qorynyń mamany Álı Myrzaqulov, qordyń Astana qalasy boıynsha ókili Nurbol Orazbaı jáne «Ár-Rahman» meshitiniń ımamy Jandos Atembaev qatysty.

Elordalyq az qamtylǵan 35 otbasyǵa 1 aıǵa jetetin azyq-túlik qorjyndary úlestirilip, din qyzmetkerleri rýhanı demeý kórsetti. Kómek alýshy turǵyndar da jaqsy tilekterin aıtyp, jalǵasyn taýyp kele jatqan saýapty iske alǵysyn bildirdi.

Aıta ketý kerek, bıyl Qazaqstan musylmandary dinı basqarmasynyń 35 jyldyq mereıtoıy. Osy ýaqyt aralyǵynda musylmandardyń qara shańyraǵy kóptegen ıgi bastamalardyń uıytqysy boldy. Muqtaj jandardyń muńyn bólisip, qamkóńil jandardy qýantqan qaıyrymdylyq sharalary da sonyń bir parasy.

Источник: Aidos