Ár balaǵa 21 myń teńgeden - Memleket basshysy zańǵa qol qoıdy

Memleket basshysy Qasym-Jomart Toqaev ataýly áleýmettik kómek kórsetý tetikterin jetildirýge baǵyttalǵan "Qazaqstan Respýblıkasynyń keıbir zańnamalyq aktilerine arnaıy Ekonomıkalyq jáne ındýstrııalyq aımaqtar, ınvestıtsııalar tartý, Eksportty damytý jáne ilgeriletý, sondaı-aq áleýmettik qamtamasyz etý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy, - dep habarlaıdy Tengrinews.kz tilshisi Aqordaǵa silteme jasap.

Osylaısha, az qamtylǵan jáne kópbalaly otbasylarǵa ataýly áleýmettik kómek tómengi kúnkóris deńgeıiniń 70 paıyzyna deıin kóterilip otyr.

Kópbalaly otbasylardaǵy ár balaǵa beriletin mınımal tólem 20 789 teńge somasynda bekitildi. Múgedek bala asyrap otyrǵan jáne bala shaǵynan birinshi toptaǵy múgedek balany baǵyp otyrǵan ata-analarǵa aı saıyn beriletin járdemaqy 30 paıyzǵa ósti.

Qujat ataýly kómekti taǵaıyndap, tólem jasaýdyń durystyǵyna baqylaý sharalaryn qarastyrady.

Sondaı-aq bul zań arqyly mamandanǵan pedagogtarǵa, dárigerlerge, polıtseılerge jáne ózge de mamandyq ıelerine "7-20-25" baǵdarlamasy aıasynda jeńildigi bar ıpoteka boıynsha jergilikti bıýdjetten alǵashqy jarnalardy ishinara sýbsıdııalaý mehanızmi engizilip otyr.