Aqtóbede Nur-Múbarak ýnıversıtetiniń daıyndyq bólimi ashyldy (FOTO)

Elimizdiń  rýhanı turaqtylyǵynyń altyn dińgegine aınalǵan Nur-Múbarak ýnıversıtetiniń Aqtóbe qalasynda Daıyndyq bólimi ashyldy. Birshama ýaqyttan beri jan-jaqty talqylanǵan jobanyń tusaýkeserine Nur-Múbarak ýnıversıtetiniń rektory, professor Mýhammad ash-Shahhat al-Jındı bastaǵan delegatsııa arnaıy qatysyp, daıyndyq bóliminiń mańyzdylyǵyn jan-jaqty toqtalǵan  bolatyn.

Oblys ákimi Ońdasyn Orazalın: «Memleketimiz jastardyń bilim alýyna qoldaý kórsetip, jan-jaqty jaǵdaı jasaýda. Sonyń ishinde, dinı bilimdi de shetel aspaı-aq, óz elimizde alýǵa búgingi kúnde tolyq múmkindik bar», – dep tilektestigin bildirdi.

Tusaýkeser sátinen keıin rektor Mýhammad ash-Shahhat al-Jındı óńir basshysyna oqý ornyn aralatyp, ǵımarat ishimen tanystyrdy. Jańa tórt qabatty ortalyq nysan demeýshilerdiń kómegimen tegin berilip otyr. Zaman talabyna saı jabdyqtalǵan bólimde ózge óńirden kelgen bilim alýshylardyń jatyp oqýyna da jaǵdaı jasalǵan. Ortasha jıyrma shákirtti qabyldaýǵa múmkindigi bar.

"Daıyndyq kýrsynda bolashaqta Nur-Múbarak ýnıversıtetinde joǵary bilim alý úshin qajetti dárister, Quran tájýıdi, arab tili, Qazaqstan tarıhy t.b. mańyzdy pánder oqytylady. Sebebi shákirtter oqý jylynda dinı saýatpen ǵana shektelmeı, elimizdiń tarıhy, halqymyzdyń dinmen astasqan salt-sanasyn kitabı negizde oqyp-bilýge qol jetkizbek. Bul bolashaq din mamandarynyń jan-jaqty bilimdi de bilikti tulǵa bolyp qalyptasýyn qamtamasyz etedi",- deıdi Nur-Múbarak ýnıversıtetiniń prorektory, dotsent Qaırat Qurmanabev.

Kópten kútken saltanatty sharaǵa jergilikti aqsaqaldar men aq jaýlyqty analar kelip júrekjardy lebizderimen qosa shashý shashyp, aq batalaryn berdi.