Aqtóbe: «Nur Ǵasyrdaǵy» stýdent jastarmen júzdesý
Ótken aptada «Nur Ǵasyr» meshitinde ókil ımam Tólebı Ospan men oblystyq Din isteri basqarmasynyń basshysy Álimbek Turalıev shákirttermen kezdesip, mazmundy jıyn ótkizdi.
Aqtóbe oblysynan Qazaqstannyń oqý oryndarynda: «Nur Múbárak» ýnıversıtetinde, Aqtóbe jáne Astana medreselerinde 1-4 kýrstarda oqyp jatqan shákirttermen júzdesý barysynda kóptegen ózekti másele qozǵaldy. Atap aıtqanda: jastardyń sapaly bilim alýy, oqýyn jalǵastyrýy, magıstratýraǵa túsýi jáne t.b. máseleler áńgime arqaýyna aınaldy.
Jıynda Á.Jánibekuly bıyl tuńǵysh ret oblystyq ákimdikten bólinetin memlekettik grant jóninde aıtty. «Nur Múbárak» ýnıversıtetiniń «ıslamtaný» mamandyǵy boıynsha oblys ákiminiń 9 granty bólinip otyr. Bul óńirimiz úshin bilikti din salasy mamandaryn daıarlaýǵa múmkindik beredi. Elimizdegi aldyńǵy qatarly teologııalyq oqý ornynda tegin bilim alǵysy keletin jas talapkerlerdiń qujattaryn qabyldaý tamyz aıynyń 3 kúni bastalady. Al grant utyp alǵan úmitkerler bolashaqta Aqtóbe oblysynda ımam ne teolog mamany retinde qyzmet etetin bolady.
Óz kezeginde T.Dádiluly ýnıversıtettiń aqyly bóliminde oqıtyn stýdentterdiń oqýy men jataqhana aqysynyń tólenýine meshit tarapynan kórsetiletin kómekke toqtaldy. Buǵan deıin de stýdentterdiń birazynyń oqý aqysyn ókildik tólep keldi. Sondyqtan bolashaq túlekterdiń ókildikpen tyǵyz baılanysta bolyp, Aqtóbege qyzmetke kelgeni abzal. Bakalavr bitirgen shákirtterdiń, eń aldymen, qyzmetke aralasyp, magıstratýraǵa din salasyn túsinip barǵany durys.
Budan bólek, jastardyń jazǵy demalysyn tıimdi ótkizýi de sóz boldy. Meshitte tájirıbesin uıymdastyrý, ımamdarmen tyǵyz baılanysta bolýy talqylandy. Jalpy, kýrs aralyǵynda stýdentterdi ókildik usynǵan meshitterde praktıkadan ótýge shaqyrdy.
