AQTÓBE: NAIB MÚFTI DIN MAMANDARYNA DÁRIS ÓTTI

Búgin Bas múftı Naýryzbaı qajy Taǵanulynyń bekitken 2023 jylǵy RANT músheleriniń josparyna saı QMDB Tóraǵasynyń orynbasary, naıb múftı Ershat Aǵybaıuly Aqtóbe oblysyna arnaıy issaparmen bardy.

Sapar barysynda naıb múftı oblystyq ortalyq «Nur Ǵasyr» meshitinde Aqtóbe oblysynyń ımam-ustazdary men teologtarynyń bilimin jetildirý maqsatynda uıymdastyrylǵan  «Quran tápsirine baılanysty ózekti máseleler» atty  semınarǵa qatysyp, dáris júrgizdi. 

RANT múshesi semınarda tápsir men táýıl týraly  tolyq túsindirip ótti. Sonymen qatar qoǵamdaǵy dinı býkvalızmge jiti toqtalyp, zardabynan arylý joldaryn baıandady. Odan ózge Ershat Ońǵar qazirgi qoǵamdaǵy Quran tápsirine baılanysty oryn alǵan ózekti máselelerdi taldady.

Shara qortyndysynda QMDB Tóraǵasynyń orynbasary qatysýshylardyń kókeıinde júrgen suraqtarǵa tolyqqandy tushymdy jaýap berdi. Al oblystyń Bas ımamy Aqtóbege at arytyp kelgen naıb múftıge alǵysyn bildirdi.

Aıta ketsek, semınarǵa 40-ǵa jýyq din mamandary qatysyp, naıb múftı Ershat Aǵybaıuly men oblystyń bas ımamy atynan sertıfıkat tabystaldy. RANT múshesi is sapar men semınardyń mańyzdylyǵy týraly BAQ ókilderine suhbat berdi.

​Derekkóz: nurgasyr.kz

Источник: Aidos