Aqparat jáne qoǵamdyq damý mınıstri Ramazan aıymen quttyqtady (FOTO)
Aqparat jáne qoǵamdyq damý mınıstri Dáýren Abaev qasıetti Ramazan aıymen quttyqtap, QMDB Tóraǵasy, Bas múftı Naýryzbaı qajy Taǵanulyna quttyqtaý hat joldady.
«Ramazan – adamzatty tatýlyq pen beıbitshilikke, meıirim men izgilikke úndeıtin Islam dinindegi basty aı. Bul aıda oraza ustaý musylmandyq shartynyń biri ári rýhanı jańarý men qýattyń birden bir kózi sanalady», - deı kele mınıstr Ramazan aıynyń ulttyq qundylyǵymyzdyń biri ekenin atap ótti.
«Ózińizdiń basshylyǵyńyzben Qazaqstan musylmandary dinı basqarmasy da kómekke muqtaj jandarǵa qol ushyn berip, qaıyrymdy ister uıymdastyryp, el amandyǵy úshin óńir ımamdary Quran hatym túsirip, jaqsy isterge muryndyq bolýda.
Osyǵan oraı sizge jáne Dinı basqarma qyzmetkerlerine osyndaı syn saǵatta el ıgiligi jolynda atqaryp jatqan eńbekterińiz úshin shynaıy rızashylyǵymdy bildirip, abyroıly da jaýapty qyzmetterińizge tabys tileımin», - dedi Dáýren Abaev.
