Aqmola oblysynyń ımamdary kásibı biliktilikti kóterý semınaryna qatysty (FOTO)
Búgin Elorda tórindegi respýblıkalyq «Áziret Sultan» meshitinde QMDB Aqmola oblysy ókildiginiń dinı qyzmetkerlerine arnalǵan kásibı biliktilikti arttyrý semınary bolyp ótti. Bas múftı keńesshisi Bıjigit Nurjigitulynyń úılestirýimen ótken semınar jumysy din qyzmetkerleriniń kásibı biliktiligin jetildirip, teris aǵym ókilderimen jumys júrgizýdiń túrli ádis-tásilderimen tanystyrdy.
«Dinı radıkalızm men destrýktıvti dinı aǵymdarǵa qarsy is-qımyldyń jańa ádisteri men formalary» atty taqyryp aıasynda ótken semınar jumysyna QMDB Ýaǵyz-nasıhat bóliminiń meńgerýshisi Batyrjan Berdenuly, Aqmola oblystyq ishki saıasat basqarmasynyń Din ister bóliminiń basshysy Bolat Neǵmetjanuly jáne oblys bas ımam Qýanysh Jumabaıuly bastaǵan din qyzmetkerleri qatysty.
Semınar aıasynda Bıjigit Nurjigituly qatysýshylarǵa destrýktıvti aǵymdardyń aldyn alý jumystary boıynsha «QMDB qyzmetkerleriniń túsindirmelik-profılaktıkalyq jáne ońaltý jumysyn júıeli uıymdastyryp, júrgizý boıynsha ádistemelik usynymdar» nusqaýlyǵyn tanystyryp ótti.
Sondaı-aq, semınar jumysyna arnaıy shaqyrylǵan belgili tarıhshy-dintanýshy Jaras Ahan, Qazaq Ulttyq ýnıversıtetiniń oqytýshysy Mırhat Muratuly, «Kazdream Techologies» JShS joba jetekshisi Álisher Dilmuratuly «Qazirgi dinı ahýal jáne ońaltýdyń keıbir máseleleri», «Destrýktıvti dinı aǵym ókilderimen jumys júrgizýdiń negizgi tásilderi», «Ǵalamtor keńistigindegi jumystyń tıimdiligin arttyrý tásilderi» taqyrybynda súbeli baıandamalar jasap, qatysýshylarǵa qajetti maǵlumat berip, tájirıbelerimen bólisti.
Semınar sońynda qatysýshylarǵa Aqmola oblystyq Ishki saıasat basqarmasynyń Din isteri bólimi jáne QMDB Aqmola ókildigi atynan arnaıy sertıfıkat tabystaldy.
Sýretterdi «FOTOGALEREIa» aıdarynan kóre alasyzdar!
