Amerıka Qazaqstan júrgizgen «Jýsan» operatsııasyn joǵary baǵalady
AQSh-qa resmı saparynyń negizgi kúni Syrtqy ister mınıstri Beıbit Atamqulov Prezıdenttiń Ulttyq qaýipsizdik jónindegi keńesshisi Djon Boltonmen jáne Memlekettik hatshy Maıkl Pompeomen kelissózder júrgizdi, dep habarlaıdy QR SIM baspasóz qyzmeti.
Kezdesý barysynda taraptar ekijaqty kún tártibiniń negizgi máselelerin jáne QR Tuńǵysh Prezıdenti - Elbasy Nursultan Nazarbaev pen AQSh prezıdenti Donald Tramp 2018 jylǵy uańtarda qol jetkizgen ýaǵdalastyqtardy júzege asyrý máselelerin talqylady. AQSh ókilderi Qazaqstandaǵy kezekten tys prezıdenttik saılaýdyń qorytyndysyn qoldap, Qazaqstan-Amerıka qarym-qatynasynyń barlyq spektri boıynsha yntymaqtastyqty odan ári damytýǵa daıyn ekendikterin bildirdi.
AQSh Memlekettik departamentinde B. Atamqulov Elbasy N. Nazarbaev jáne QR Prezıdenti Q. Toqaevtyń AQSh-tyń aldaǵy 243-shi Táýelsizdik kúnine oraı Aq úıdiń basshysy D. Trampqa joldaǵan quttyqtaý hattaryn tabys etti. Qazaqstandyq syrtqy saıasat vedomstvosynyń basshysy saılanǵan Prezıdent AQSh-pen keńeıtilgen strategııalyq áriptestikti damytýǵa erekshe nazar aýdaratynyn atap ótti. Kelissózder barysynda amerıkalyq tarap Prezıdent Q. Toqaevtyń áleýmettik-Ekonomıkalyq jáne saıası qaıta qurý baǵdarlamasyna qoldaý kórsetip, belgilengen reformalardy júzege asyrýǵa qajetti kómek kórsetýge daıyn ekendikterin bildirdi. Ekijaqty qatynastardyń Ekonomıkalyq kún tártibin talqylaı otyryp, taraptar jahandyq Ekonomıkadaǵy qıyndyqtarǵa qaramastan, QR men AQSh arasyndaǵy saýda-ınvestıtsııalyq ózara is-qımyldyń joǵary deńgeıin atap ótti.
2018 jyly Ekonomıkalyq yntymaqtastyqtyń negizgi kórsetkishteri aıtarlyqtaı ósimdi kórsetti, saýda aınalymy úsh ese ósti, al amerıkandyq ınvestıtsııalardyń aǵyny eki ese ulǵaıdy. Aq úıde kezdesý kezinde Dj. Bolton AQSh-tyń Qazaqstanmen keńeıtilgen strategııalyq seriktestikke beretin mańyzdylyǵyn atap ótti. Taraptar qoldaǵy ýaǵdalastyqtar men josparlardy sapaly ımplementatsııalaýdy jalǵastyrý nıetin rastady, sondaı-aq óńirlik jáne halyqaralyq kún tártibindegi ózekti máseleler boıynsha naqty pikir almasty. Bul kontekste Dj. Bolton men M. Pompeo strategııalyq áriptestiktiń osy baǵytyn odan ári arttyrýǵa beıildiligin rastady.
Atap aıtqanda, QR Ekonomıkasynda Energetıka, kólik ónerkásibi, ınfraqurylym, qarjy, farmatsevtıka, aEroǵarysh salasy, aýyl sharýashylyǵy, ÁÓK, IT-tehnologııalar, kıberqaýipsizdik jáne t.b. salalarda amerıkalyq ınvestıtsııalar men tehnologııalardyń qatysýyn ártaraptandyrý týraly sóz boldy. Taraptar eki memlekettiń halyqaralyq terrorızmge qarsy kúres, óńirlik qaýipsizdikti qamtamasyz etý, Aýǵanstandaǵy jaǵdaıdy turaqtandyrý jónindegi birlesken kúsh-jigerin jáne basqa da halyqaralyq máselelerdi talqylady. Áleýmettik-Ekonomıkalyq jáne gýmanıtarlyq jobalardy ekijaqty formatta da, kópjaqty platformalar sheńberinde da iske asyrý jolymen Aýǵanstannyń turaqty damýyn qamtamasyz etý boıynsha birlesken kúsh-jigerdi jalǵastyrýǵa ýaǵdalasty.
Amerıkalyq tarap «Jýsan» qazaqstandyq operatsııasyn júzege asyrýdyń tabystylyǵyn joǵary baǵalady, onyń aıasynda Qazaqstan Sırııadaǵy urys qımyldarynan 600-ge jýyq azamatty qaıtaryp aldy. Memlekettik hatshy M. Pompeo QR-dyń is-qımyldaryn halyqaralyq terrorızmge qarsy is-qımyldaǵy naqty úlesi jáne álemniń basqa memleketteri úshin úlgi dep atady.
Qazaqstan men AQSh qaıtyp kelgen azamattardy tıimdi qaıta áleýmettendirý máselelerinde yntymaqtastyqty jalǵastyrady. Ortalyq Azııa men AQSh memleketteri arasyndaǵy «S5+1» óńirlik tuǵyrnamasyn odan ári damytýdyń mańyzdylyǵyna erekshe nazar aýdaryldy.
