«ÁLJAN ANA» MEShITINDE JAMAǴATQA MÁÝLIT KEShI ÓTTI (FOTO)

Qazaqstan musylmandary dinı basqarmasy Astana qalasy ókildigi Jastar isi sektorynyń qyrkúıek aıyndaǵy josparyna sáıkes «Áljan ana» meshitinde máýlit keshi ótti.

Qulshylyq úıiniń naıb ımamy Serikbol Haman jınalǵan jamaǵatqa «Eki dúnıe sardary» atty taqyrypta ýaǵyz-nasıhat aıtyp, Paıǵambarymyzdyń (ﷺ) ómirbaıanynan, ónegege toly ǵumyrynan syr shertti.

Kesh sońynda arnaıy Máýlit keshiniń qurmetine jaıylǵan dastarhan basynda  Quran oqylyp, elimizdiń amandyǵy men tynyshtyǵy úshin duǵa jasaldy.

Aıta ketsek, qazir musylmandyq kúntizbe (hıjrı jyl sanaýy) boıynsha Paıǵambarymyz (ﷺ) ómirge kelgen qasıetti Máýlit (Rabıǵýl áýýál) aıyndamyz. Bul aıda Alla Elshisine (ﷺ) kóp salaýattar aıtylyp, meshitterde rýhanı keshter ótedi, máýlit jyry oqylyp, eki dúnıe sardaryna sálemder joldanady. Allanyń berekesi daryǵan ıgi sharalardan siz de qapy qalmańyz!