Almatyda VIII respýblıkalyq Quran jarysy ótedi
![](/img/news/fd2ad04b6440a951c5da83821bda9b30.jpg)
Qazaqstan musylmandary dinı basqarmasynyń uıymdastyrýymen 2019 jyldyń 26-28 sáýir kúnderi Quran Kárimdi jatqa jáne mánerlep oqý boıynsha VIII respýblıkalyq Quran jarysy ótedi. Saıys Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý sekildi 4 nomınatsııa boıynsha uıymdastyrylady.
Quran jarysyna qatysýshylarǵa qoıylatyn talaptar:
Qurandy jatqa aıtýyna, tájýıdimen kórkem oqýyna basa mán beriledi;
Úmitker óz oblysynda ótkiziletin aldyn ala irikteý saıysynda 1 oryn alǵan jaǵdaıda ǵana jarysqa joldama alady;
Tolyq Qurandy jatqa oqý nomınatsııasy boıynsha qatysatyn úmitker respýblıkalyq, halyqaralyq jarystarda júldeli oryn almaǵan bolýy kerek;
Úmitker QR er azamaty bolýy kerek;
Úmitkerdiń 30 jastan aspaǵan bolýy;
Úmitker jarysqa tek bir nomınatsııa boıynsha ǵana qatysa alady.
Qajetti qujattar: «Úmitkerdiń anketasy», «Jeke kýálik kóshirmesi», «Irikteý saıysynyń sertıfıkat kóshirmesi» men «Ókil ımamnyń usynys haty».
Joǵaryda atalǵan qujattar úmitkerden 2019 jyldyń 19 sáýirine deıin respquranjaris@mail.ru Elektrondy poshtasy boıynsha qabyldanady.
Jeńimpazdar men júldegerlerge avtokólik pen qarjylaı syılyqtar tabystalyp, arnaıy sertıfıkattar beriledi.
Paıǵambarymyzdyń ﷺ hadısinde: "Senderdiń eń jaqsylaryń – Qurandy úırenip ári ony úıretkenderiń» dep aıtylǵandaı barshańyzdy qaıyrly iske atsalysyp, Allanyń razylyǵyn alýǵa shaqyramyz.
Qosymsha aqparat úshin: +7 702 758 38 58 – Serik qarı Ahmetov