Almatyda respýblıkalyq semınar bastaldy (FOTO)

Almaty qalasynda Qazaqstan musylmandary dinı basqarmasynyń ǵımaratynda medrese ustazdaryna arnalǵan «Dinı pánderdi oqytýda aqparattyq tehnologııalardy qoldaný» taqyrybynda 4 kúndik semınar bastaldy. Respýblıkalyq semınardyń uıymdastyrýshysy – Qazaqstan musylmandary dinı basqarmasy men Bilim, ǵylym jáne mádenıet isteri jónindegi Islam uıymy (ISESKO).

Semınardy uıymdastyrý jumystarynyń jetekshisi, QMDB Baspa jáne aýdarma bóliminiń meńgerýshisi Murat Manapuly ıgi sharanyń ashylý saltanatynda dáris oqıtyn teolog-ǵalymdardy tanystyryp, 4 kúndik trenıngtiń mańyzdylyǵyna toqtaldy. Sonymen qatar, medrese ustazdaryn ǵalymdardyń dárisin muqııat tyńdap, alǵan sabaqty tájirıbe júzinde júzege asyrýǵa shaqyrdy. Odan keıin sóz alǵan QMDB baspasóz hatshysy Aǵabek Qonarbaıuly dáris kezinde aqparattyq tehnologııalardy qoldanýdyń ádis-tásilderin jan-jaqty túsindirip ótti.

4 kúndik semınarda «Nur-Múbárak» ýnıversıtetiniń doktoranty, ustaz, «Nur-Múbárak» ýnıversıteti meshitiniń naıb ımamy Rýslan Qambarov pen «Nur-Múbárak» ýnıversıtetiniń ustazy, fılologııa ǵylymdarynyń kandıdaty Rashıd Mýhıtdınov dáris beredi.