Almatyda Máýlit keshi ótti (FOTO+VIDEO)

Keshe, Qazaqstan musylmandary dinı basqarmasynyń uıymdastyrýymen Almaty qalasy, Respýblıka saraıynda «Tálimger paıǵambar taǵylymy» atty máýlit keshi ótti.

Máýlit keshi belgili qarı Serik Ahmetovtyń Quran oqýymen jáne aqyn, sazger Jáken Omardyń Máýlit jyryn oryndaýymen bastaldy. Bıylǵy Máýlit jyry tutastaı qazaqsha oryndalýymen erekshelendi. 

Merekelik sharany saltanatty túrde ashyp berý úshin sóz Qazaqstan musylmandary Dinı basqarmasynyń tóraǵasy, Bas múftı Serikbaı qajy Oraz hazretke berildi.  

Bas múftı óz sózinde Paıǵambarymyzdyń Máýlit aıymen Almaty jurtshylyǵyn quttyqtap, Alla elshisiniń dúnıege kelip, ǵalamdy nurǵa bóleýi – artyna ergen úmbeti úshin úlken qýanysh ekenin aıtty. Sondaı-aq, Paıǵambarymyzdyń ǵıbratty ǵumyrynan syr shertip, musylmandardy Onyń kórkem minezinen úlgi alýǵa shaqyrdy. «Biz seni kúlli ǵalam úshin rahym etip qana jiberdik» degen aıattaǵy Paıǵambarymyzdyń tálimgerlik tulǵasyna toqtaldy.

Kórermen kózaıymyna aınalyp, ádemi ázilderimen aqıqatty astarlap aıtyp júrgen «Óner qyrandary» men «Nazar aýdar» ázil-syqaq teatrlary tárbıelik máni úlken qoıylymdaryn el nazaryna usyndy.    

Allanyń bergen aqyndyq qabiletin ımandylyq pen izgilikke arnap, ılláhı jyr jazyp júrgen Qul-Kerim Elemes, Baýyrjan Myrzaqul, Batyrhan Sársenhan syndy aqyndarymyz óz óleńderin oqydy.

Keshte Aıdar Turǵanbek «Paıǵambarǵa (Oǵan Allanyń salaýaty men sálemi bolsyn) saǵynysh», Raıym Ýaıys «Quran úni» ánderin oryndasa, Ergen Aıtymbetov, Qanatbek Polatbek, Serjanáli Álibek syndy ánshilerimiz Paıǵambarymyzdyń qurmetine salaýat ánin shyrqady.

Sharapatty máýlit merekesine kelgen Almaty jurshylyǵy erekshe áserge bólenip, ózderiniń tolqynystaryn jasyra almaı, kóz jastaryna erik berdi. Ári qyzý qoshemet bildirgen kórermenniń yqylasy sheksiz boldy.

Barshamyzǵa Allanyń rahymy men Paıǵambarymyz Muhammedtiń (Oǵan Allanyń salaýaty men sálemi bolsyn) shapaǵaty násip bolsyn!