Almatyda búldirshinder arasynda IV Quran jarysy ótedi

QMDB-nyń Almaty qalasy ókildigi jáne «Jastar isi» sektorynyń uıymdastyrýymen 2020 jyldyń 28 naýryz kúni ul balalar arasynda IV búldirshinder Quran jarysy Almaty qalasy Ortalyq meshitinde ótedi.  

Qatysýshyǵa qoıylatyn talaptar:

• Jarysqa qatysýshy Qazaqstan azamaty bolýy;
• Úmitkerdiń jasy 10-nan aspaýy tıis;
• Úmitkerler eki baǵyt boıynsha qatysady:

1 – «Dýha» súresinen «Nas» súresine deıin jatqa bilýi (7 jas);

2 – «Nába» súresinen «Nas» súresine deıin jatqa bilýi (10 jas).

• Jarysqa qatysýshylardyń oqý qyraǵaty, tájýıd bilimi, jattaý qabileti baǵalanady.

Qajetti qujattar: «Týý týraly kýáliktiń kóshirmesi», «Úmitkerdiń ótinishi».

Joǵaryda atalǵan qujattar úmitkerden 2020 jyldyń 25 naýryzyna deıin Ksh_90_kz@mail.ru Elektrondy poshtasy boıynsha qabyldanady.  
Jarysqa qatysýshy barlyq búldirshinderge syılyqtar tabystalady. Al, arnaıy júldegerlerge tómendegideı kólemde syıaqy tartý etiledi.

«Nábá» súresi men «Nas» súresiniń aralyǵy (10 jas)

1-oryn (100 000 teńge)
2-oryn (75 000 teńge)
3-oryn (50 000 teńge)

«Dýha» súresi men «Nas» súresiniń aralyǵy (7 jas)

1-oryn (75 000 teńge)
2-oryn (50 000 teńge)
3-oryn (30 000 teńge)

YNTALANDYRÝ:

3 qatysýshyǵa (20 000 teńge)

Paıǵambarymyz (oǵan Allanyń ıgiligi men sálemi bolsyn) hadısinde: «Balalaryna Quran Kárim úıretkenderge nemese Quran Kárim ustazyna bergenderge úıretilgen Quran Kárimniń árbir áribi úshin qasıetti Qaǵbany 10 ret zııarat etkenniń saýaby beriledi jáne qııamet kúni basyna dáýlet táji kıgiziledi. Búkil adamdar ony kórip qyzyǵady», – dep aıtqanyndaı, búldirshinderimizdiń jastaıynan Quran jattap, ımandy da salıqalı, otansúıgish bolyp ósýi – bizder úshin abyroıly mindet, zor baqyt.

Qosymsha aqparat úshin: +7 702 985 45 90 – Shoqan Qudaıbergenov.