Almatyda Bas múftıdiń qatysýymen 500 otbasyǵa kómek kórsetildi (FOTO)

Keshe Almaty Ortalyq meshitinde Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz hazirettiń qatysýymen «Ramazan kerýeni» qaıyrymdylyq aktsııasy bolyp ótti.

Bul qaıyrymdylyq aktsııasynyń maqsaty – jomarttyq pen qaıyrymdylyq aıynda áleýmettik az qamtylǵan otbasylarǵa kómek kórsetip, kóńilderge qýanysh syılaý boldy.

Bas múftı respýblıkamyz boıynsha jer-jerde ótkizilip jatqan «Ramazan kerýeni» qaıyrymdylyq aktsııasynyń maqsaty men áleýmettik mańyzyna toqtaldy. Sonymen qatar, qasıetti ramazan aıynyń sońǵy on kúndiginde jasalyp jatqan qaıyrymdyq isteri men ıgi sharalarǵa oń baǵasyn berdi.

QMDB-nyń Almaty qalasy boıynsha ókil ımamy Erkinbek Kerimbekuly da atalmysh shara týraly óz oıyn sabaqtap, Almaty qalasy Ortalyq meshitiniń janynan qurylǵan «Yqylas» qaıyrymdylyq qorynyń tirkeýindegi áleýmettik az qamtylǵan 500 otbasyǵa azyq-túlikpen kómek kórsetilip jatqanyn aıtty.