Almaty turǵyny velosıpedpen Mekkege attandy

Almaty qalasynyń turǵyny velosıpedpen Mekkege attandy. Qasıetti saparǵa Talǵat Jumabekov osymen ekinshi ret baǵyt alǵaly otyr.

Ol velosıpedpen Mekkege jetý úshin eki aı ýaqyt ketetinin eseptep qoıǵan. Ózimen birge azyq-túlik, fotoapparat, dári-dármek, Quran kitabyn da alypty. Jol boıy oqyp barmaqshy.

Buǵan deıin velosıpedpen Eýropa elderiniń birazynda bolǵan eken. Kıeli mekenge saparyn Túrkistan qalasynan bastaǵan. Odan Shymkentte taban tirep, ary qaraı saparyn jalǵastyrmaq. Tashkent qalasyna da kire shyqpaq. Dalada shatyr tigip qonýdy josparlap qoıypty. Al qatty sýyq bolsa qonaq úıge túnep shyqpaq.

«Qasıetti Mekkege velosıpedpen barý men úshin qýanysh. Velosıpedim de mundaı uzaq joldarǵa shydaıdy. Buıyrsa, Mekkege eki aı júrip baramyn. Aqpan aıynyń aıaǵyna qaraı jetemin dep otyrmyn. Eshteńeden qoryqpaımyn. Tek bir Allaǵa senemin», — deıdi Talǵat Jumabekov.

Bul onyń Mekkege ekinshi sapary.

Alaıda, Mekkege vıza ashtyrý máselesi biraz qıyndyqtar týǵyzǵanyn aıtady. Jaqyn kúnde vıza da daıyn bolady eken.