ALMATY: RÝHANI KEShTE «MÁÝLIT SYIY» TABYSTALDY

29 qyrkúıek 2024 687 0 Оqý rejımi

Almaty qalasynyń Respýblıka saraıynda Qazaqstan musylmandary dinı basqarmasynyń bastamasymen ótken «Adaldyq jarshysy Muhammed ﷺ» rýhanı máýlit keshinde qaıyrymdylyq sharasy uıymdastyryldy.

Adamzattyń asyl táji Áz Paıǵambarǵa arnalǵan salaýat keshi bıylǵy jyly da bir kúnde eki qoıylym kórsetip kórermen kóńilinen shyqty. Tańǵy jáne túski qoıylym barysynda Respýblıka saraıy lyq toldy. Máýlit keshine bıletten túsken qarajat «Máýlit syıy» retinde muqtaj otbasylaryna berildi.

QMDB Tóraǵasy, Bas múftı Naýryzbaı qajy Taǵanuly kómekke muqtaj jáne qala meshitterinde uzaq jyldar tazalyqshy, kúzetshi qyzmetin atqaryp júrgen 15 adamǵa 150 000 teńgeden qarjylaı sertıfıkattar tabys etti. Al 500 000 myń teńgeden dertine daýa tilep em qabyldap jatqan 3 adamǵa berildi. Sonymen qatar máýlit syıy retinde «Arafat» jáne «Qaraǵaıly» meshitteriniń qalpyna keltirý jumystary úshin 1 000 000 teńgeden tabystaldy.

Adaldyqtyń jarshysy, jaqsylyqtyń habarshysy bolǵan Muhammed Paıǵambarymyzǵa Allanyń salaýaty men sálemi bolǵaı!