Almaty: «Qalqaman 2» meshitinde qaıyrymdylyq aktsııasy ótti
Qurban aıttyń ekinshi kúni Almaty qalasy, Naýryzbaı aýdany, «Qalqaman 2» meshiti «Nıet» qaıyrymdylyq qorynyń qoldaýymen "Júrek jylýy" atty qaıyrymdylyq aktsııasyn ótikizdi. Is-shara, əleýmettik jaǵdaıy tómen jáne kópbalaly ata-analarǵa kómek kórsetý maqsatynda uıymdastyryldy. Bıylǵy jyly ekinshi ret ótkizilip otyrǵan ıgi sharada 90-nan astam otbasyǵa jańa kıimder taratyldy.
«Qalqaman 2» meshitiniń bas ımamy Kenjeáli Qońyratbaıuly jınalqan qaýymdy Qurban aıt merekesimen quttyqtap, izgi tilegin bildirdi: «Qasıetti Qurban aıt merekesiniń úsh kúninde «Qalqaman 2» meshitiniń jamaǵaty qurbandyq shalyp, meshitte kómekke zárý azamattar tizimine tirkelgen kópbalaly jáne áleýmettik az qamtylǵan jandarǵa shalynǵan maldyń etin járdem retinde taratty.
«Alla bizdiń júregimizdi jaqsylyqqa jaqyn etip qoıǵan. Alla Taǵala barshamyzdyń qulshylyqtarymyzdy, izgi amaldarymyzdy qabyl alyp, elimizge tynyshtyq pen aýyzbirshilik, ár otbasyna molshylyq pen meıirim bersin», - dep duǵa tilep, qoldaý kórsetken barsha azamattarǵa alǵysyn bildirdi.
Esterińizge sala keter bolsaq, 2019 jyldyń Ramazan aıynda «Qalqaman 2» meshiti «Nıet» qorynyń qoldaýymen Naýryzbaı aýdanynyń 50 kópbalaly ata-analary men áleýmettik az qamtylǵan otbasylaryna azyq-túlik pen jańa kıim-keshekter taratqan bolatyn.
