Almaty qalasynda búldirshinder arasynda III Quran jarysy ótedi

QMDB-nyń Almaty qalasy ókildigi jáne «Úmmet» qoǵamdyq qorynyń uıymdastyrýymen 2019 jyldyń 6 sáýir kúni búldirshinder arasynda III Quran jarysy Almaty qalasy Ortalyq meshitinde ótedi.

Qatysýshyǵa qoıylatyn talaptar:

Jarysqa qatysýshy Qazaqstan azamaty men azamatshasy bolýy;
Úmitkerdiń jasy 8-den aspaýy tıis;
Qatysýshy «Mýtaffıfın» súresinen «Nas» súresine deıin jatqa bilýi;
Oqý qyraǵaty, tájýıd bilimi, jattaý qabileti baǵalanady.

Qajetti qujattar: Týý týraly kýáliktiń kóshirmesi, Úmitkerdiń ótinishi.

Joǵaryda atalǵan qujattar úmitkerden 2019 jyldyń 28 naýryzǵa deıin Ksh_90_kz@mail.ru Elektrondy poshtasy boıynsha qabyldanady. Jarysqa qatysýshy barlyq búldirshinderge (er balalar jáne qyz balalar toby) syılyqtar tabystalady. Al, arnaıy júldegerlerge tómendegideı kólemde syıaqy tartý etiledi:

1-oryn (100 000 teńge)
2-oryn (75 000 teńge)
3-oryn (50 000 teńge)
YNTALANDYRÝ:
3 qatysýshyǵa (25 000 teńge)

Paıǵambarymyz (oǵan Allanyń ıgiligi men sálemi bolsyn) hadısinde: «Balalaryna Quran Kárim úıretkenderge nemese Quran Kárim ustazyna bergenderge úıretilgen Quran Kárimniń árbir áribi úshin qasıetti Qaǵbany 10 ret zııarat etkenniń saýaby beriledi jáne qııamet kúni basyna dáýlet táji kıgiziledi. Búkil adamdar ony kórip qyzyǵady», – dep aıtylǵandaı, búldirshinderimizdiń jastaıynan Quran jattap, ımandy da salıqalı, otansúıgish bolyp ósýi – bizder úshin zor baqyt.

Qosymsha aqparat úshin: +7 702 985 45 90 – Shoqan Qudaıbergenov.