Almaty Ortalyq meshitinde tigin kýrsy ashyldy (FOTO)

Búgin, Almaty qalalyq Ortalyq meshitiniń uıymdastyrýymen jáne Qazaqstan Respýblıkasyndaǵy Birikken Arab Ámirlikteriniń elshiligi men «Ummet» qoǵamdyq qorynyń qoldaýymen, tigin synybyn jabdyqtaý qaıyrymdylyq jobasy iske asyp, áıel-qyzdarǵa arnalǵan tigin kýrsynyń tusaýkeser rásimi ótti.

Atalmysh synypty 20 tigin mashınasymen jabdyqtaýǵa muryndyq bolǵan "Saqr Bin Mohammed Al Qasimi" qaıyrymdylyq jáne gýmanıtarlyq qorynyń Bas dırektory Ahmed bın Rashıd ál-Zaabı myrza osyndaı ıgilikti isterdiń áli de jalǵasyn taýyp, elimizdiń basqa óńirlerinen de tigin synyptaryn ashý oıynda bar ekenin aıtty. Ári ol jyly shyraımen qarsy alǵan Almaty jurshylyǵyna rızashylyq sezimin bildirdi.

Sonymen qosa, qaırymdylyq sharasyna "Ummet" qoǵamdyq qorynyń prezıdenti Muhammedámın Qurmanálı de qatysyp, óziniń júrekjardy lebizin jetkizdi.

Al, Almaty Ortalyq meshitiniń naıb ımamy Ermek Kókirekbaev qaıyrymdylyq sharasyna uıytqy bolǵan jandarǵa alǵys bildirip, tigin kýrsynyń qyz-kelinshekterimizdiń bos ýaqytyn tıimdi paıdalanýǵa ári tigis tigip úırenýge, ismerlik sheberlikterin shyńdaýǵa zor múmkindik týdyryp otyrǵanyn aıtyp, sharanyń mańyzdylyǵyna toqtaldy.

​