Almaty óńirinde qos qaıyrymdylyq mekemesi ashyldy (FOTO)

Almaty óńiriniń Qarasaı jáne Ile aýdandarynda Qazaqstan musylmandary dinı basqarmasynyń eki qaıyrymdylyq mekemesi ashyldy.

Saltanatty sharaǵa QMDB-nyń Qaıyrymdylyq jáne ýahyp isteri bóliminiń meńgerýshisi Kamaljan Turdybaev, Almaty óńiriniń bas ımamy Qýanysh Baqytbekuly, qala-aýdan dinı qyzmetkerleri jáne meshit jamaǵaty qatysty.

Is-sharada alǵy sóz alǵan Kamaljan Bekbosynuly jınalǵan qaýymǵa QMDB Tóraǵasy, Bas múftı Naýryzbaı qajy Taǵanulynyń sálemin jetkizip, dinı basqarmanyń san-salaly qyzmeti aıasynda negizgi tórt baǵyt boıynsha jumystarǵa basymdyq beriletinin, sonyń biri qaıyrymdylyq ekenin de tilge tıek etti.

Qaıyrymdylyq mekemesin ashýdaǵy maqsat óskeleń urpaqty ımandylyq pen adamgershilikke, ǵylym men ónerge baýlý, shyǵarmashylyq qabiletin damytý, ulttyq salt-dástúrge saı tárbıeleý, dinı-aǵartý jumystaryn júrgizip, Islam negizderin úıretý, turmys jaǵdaıy tómen otbasylarǵa áleýmettik-rýhanı kómek kórsetý, qaıyrymdylyq sharalaryn uıymdastyrý ekenin atap ótti. Sondaı-aq aıyrymdylyq mekemeleriniń lentasy qıylyp, shákirtterge ǵıbratty ýaǵyz-nasıhat aıtyldy.