Almaty: Bas múftı zııaly qaýymǵa aýyzashar berdi (FOTO)

Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz hazret Almaty qalasynda dinimiz ben ultymyzdyń janashyr arda azamattarynyń basyn qosyp, qasıetti Ramazan aıynyń qurmetine aýyzashar dastarhanyn jaıdy.

Bas múftı aýyzasharǵa kelgen qonaqtardy qasıetti Ramazan aıymen quttyqtap, sóz sóıledi. Alladan tutyp jatqan orazamyz ben nıetterimizdiń qabyl bolýyn tilep, Quran túsken jaryq aıda jaqsylyqta jarysyp, Jaratqannyń razylyǵyn alýǵa shaqyrdy.

Aýyzashar merekelik kóńil kúıde ótti. Aqyn-jyrshylar dástúrli «Jarapazan» jyryn oryndap, arnaý men termeler aıtsa, al, kúıshiler kúmbirletip kúı shertip, keshki otyrystyń sánin qyzdyrdy.
Aýyzashar sońynda as qaıyrylyp, úlkender jaǵy bata berdi. Almaty qalasynyń ókili ımamy Erkinbek Shoqaı Quran oqyp, saýaby marqumdarǵa baǵyshtaldy.