Allanyń 99 kórkem esimin jatqa aıtýdan jarys ótti (FOTO)

El astanasy Nur-Sultan qalasyndaǵy «Rahymqyzy Raısa ana» meshitiniń áıel jamaǵaty arasynda Allanyń 99 kórkem esimin jatqa aıtýdan ıntelektýaldyq jarys bolyp ótti. Aıta keteıik, atalmysh saıys Islam kúntizbesinde «qasıetti úsh aı» dep qosarlana atalatyn Erejep, Shaǵban, Ramazan aılarynyń qurmetine oraı uıymdastyrylyp otyr.

Qasıetti Quran aıattarymen ashylǵan jarys kirispesinde júrgizýshiler dál osy úsh aıdyń mańyzdylyǵy men qasıeti jaıynda, bul aılarda atqarylatyn saýapty amaldar jaıynda maǵlumat aıtyp ótti. Sondaı-aq, kórermender nazaryna búgingi jarystyń mańyzyn aıshyqtaı túsetin arnaıy beınerolıkter kórsetildi. Tipti, úsh kezeńnen ótken jarys arasyndaǵy úzilis kezinde suraq-jaýap vıktorınasy oınatylyp, «Ana qadiri» atty kórinis qoıyldy.

Shara sońynda saıysqa qatysyp, júldeli orynǵa ıe bolǵan qyz-kelinshekter  Mahmettola Saıakóz (1-oryn), Áýezhan Jansaıa (2-oryn), Baımuhambetova Áselge (3-oryn) aqshalaı syılyqtar tabystaldy.

Sýretterdi «FOTOGALEREIa» aıdarynan kóre alasyzdar!