ÁLEMDIK JÁNE DÁSTÚRLI DINDER LIDERLERI SEZI HATShYLYǴY MÚShELERINIŃ FAShIZM MEN NATsIZMDI JOIýDAǴY JEŃISKE 75 JYL TOLÝYNA ORAI ÚNDEÝI
Biz, Álemdik jáne dástúrli dinderdiń ókilderi, adamnyń taǵdyryna, onyń ajyramas quqyqtary men qadir-qasıetine, beıbitshilik pen kelisimge, ózara qurmet, yntymaqtastyq jáne adamzat baýyrlastyǵynyń ıdeıalaryna berik ekenimizdi taǵy da dáleldeımiz.
Biz fashızm men natsızmdi joıýdaǵy jeńiske 75 jyl tolýyn atap ótýge oraı, adamzattyń ortaq ıgiligi úshin qurban bolǵan, Ekinshi dúnıejúzilik soǵysta kóz jumǵandardy eske alý jónindegi ıgi bastama úshin memleketter men qoǵamdarǵa úlken rızashylyǵymyzdy bildiremiz.
Biz memleketterdiń syndarly kúsh-jigerin, sondaı-aq Birikken Ulttar Uıymynyń, basqa da múddeli halyqaralyq jáne aımaqtyq uıymdardyń, azamattyq qoǵamnyń jer betindegi barlyq halyqtarmen úılesimdilik tapqan ár halyqtyń óziniń rýhanı qundylyqtary men murattaryna sáıkes, gúldený, beıbitshilik, ózara qurmet pen bolashaqta ómir súretin keleshek álemdik tártipti qurý jónindegi qyzmetke qoshemet kórsetemiz jáne qoldaımyz.
2019 jyldyń 4 aqpanynda Abý-Dabıde Imam Ál-Azhar Ahmad Muhammed al-Taııb pen Rım Papasy Frantsısk qol qoıǵan «Álemdik beıbitshilik pen beıbit qatar ómir súrý úshin adamdar arasyndaǵy baýyrlastyq týraly qujattyń» negizgi qaǵıdalaryn, sonymen qatar 2019 jyldyń 27-29 mamyrynda Mekkede ótken halyqaralyq konferentsııada ıslam ǵalymdary qabyldaǵan «Mekke qujatyn» qoldaıdy jáne qarýly qaqtyǵystardy toqtatý, adamdardy jalpy adamzattyq qundylyqtar - yntymaqtastyq pen janashyrlyq tóńireginde biriktirýge basa nazar aýdarý úshin álemniń túkpir-túkpirinde tez arada jahandyq atysty toqtatýǵa baǵyttalǵan aqylǵa qonymdy, dáıekti, bolashaqqa baǵyttalǵan is-áreketterdiń ýaqyty keldi dep sanaımyz.
Álemdik qoǵamdastyqtyń COVID-19 pandemııasymen kúresý jáne barlyq dinderdiń qasıetti merekeleriniń negizi aıasynda biz Rım Papasy Frantsısktiń koronavırýstyq pandemııa aıasynda «gýmanıtarlyq kómek baǵyttaryn qurýǵa, dıplomatııa úshin ashyq bolýǵa jáne aýyr jaǵdaıda júrgenderge nazar aýdarýǵa shaqyramyz» degen tilegimizdi bildiremiz.
Biz Jaratqanǵa shyn júrekten senim bildire otyryp, HHI ǵ. Ekinshi onjyldyǵynyń sońynda barlyq halyqtardyń basyna túsken jamanshylyqtar men qaıǵylardyń keıingi urpaqqa sabaq bolyp, sonymen qatar, halyqaralyq beıbitshilik pen qaýipsizdikke tónip turǵan qaterler men qaýipterdiń aldyn alý da senim, tártip, syılastyq, joǵary Etıka men adamgershilik normalardy ustaný, mádenı, ulttyq, dinı jáne til ártúrliligine qatysty ustamdylyq, ártúrli mádenıetter men elderge jatatyn adamdar arasynda dostyq pen ózara túsinistiktiń mańyzdylyǵy jóninde árdaıym duǵada bolamyz.
Ekinshi dúnıejúzilik soǵystyń qurbandaryna taǵzym ete otyryp, bul soǵystyń saldary búkil adamzatqa orny tolmas qaıǵy ákelýi barlyq memlekettik qaıratkerlerge jáne saıası jetekshilerge, bolashaq urpaqqa sabaq bolýy tıis.
Nur-Sultan q. Álemdik jáne dástúrli dinder lıderleri Seziniń alańynda bizdiń on jeti jyl boıy kezdesýimiz dinı lıderler arasyndaǵy dıalogtyń adamzattyń barlyǵyna ortaq qundylyqtardy tereń túsinip, ortaq múddelilik tanytýyna áserin tıgize alatyndyǵyn dáleldedi.
Biz ártúrli órkenıetter, mádenıetter, dinder men senimder arasyndaǵy únqatysý men ózaratúsinistikti júıeli túrde qoldap, árdaıym aldyńǵy maqsatta ustaýǵa ázirmiz.
Biz barlyq múddeli taraptardy jergilikti jáne halyqaralyq deńgeıde halyqtardyń úılesimdi ómir súrýi, álemde turaqtylyqty saqtaý, ásirese dinder arasynda tatýlyqty saqtaý maqsatynda beıbitshilik pen birlikti nyǵaıtý, dinı jáne mádenı kóptúrlilikti, dinı joralardy ótkizetin qasıetti jerlerdi jalpy adamzat mindetteri sheńberinde qurmetteýge, ulttyq, násildik jáne dinı óshpendilikti qozdyrýǵa, arandatýshylyq pen kemsitý, óshpendilik pen kúsh qoldanýǵa qarsy kúresý úshin kúsh biriktirýge shaqyramyz.
Soǵys pen qaqtyǵystar máńgilik ótkenge qalsyn!
Jaratqan Iemiz barlyq elderde beıbitshilik, amandyq násip etip, bizdiń rýhanı ustamdanymdarymyzǵa bereke bersin!
ÁLEMDIK JÁNE DÁSTÚRLI DINDER LIDERLERI SEZI HATShYLYǴYNYŃ MÚShELERI MEN SERIKTESTERI
