Álemdik dinder sıeziniń ánurany jazylýy múmkin

Elordada ótip jatqan Álemdik jáne dástúrli dinder lıderleri sezi XVIII hatshylyǵynyń otyrysynda sıezdiń ánurany shyǵarý týraly usynys boldy.

«Álemdik jáne dástúrli dinder lıderleri sıeziniń ánuranyn shyǵartý týraly óte qyzyqty shyǵarmashylyq usynysty jarııa etkim kelip otyr. Usynys Acharııa ( «Somaııa Baharatııa Sankrıtı Pıtam» úndi mádenı ortalyǵynyń dırektory — Kala Dhanandjeı Acharııa) hanym tarapynan tústi. Usynys óte qyzyqty. Osy usynys qoldaý taýyp jatsa, onda biz osy baǵytta jumys ister edik», — dedi otyrys barysynda QR Aqparat jáne qoǵamdyq damý vıtse-mınıstri Marat Ázilhanov.

Aıta keteıik, búgingi otyrysta Álemdik jáne dástúrli dinder lıderleriniń VI Sıez qorytyndylary men Hatshylyq qyzmetiniń keleshegi boıynsha pikir almasylýda. Sodan keıin 2021 jylǵy Álemdik jáne dástúrli dinder lıderleriniń VII Sıezin ótkizý boıynsha usynystar talqylanyp jatyr.