Álem musylmandary bıyl da qajylyqqa bara almaıdy

Bul jóninde búgin Saýd Arabııasy Koroldiginiń Qajylyq jáne umra mınıstrligi habarlady.

Búkil álem kýá bolyp otyrǵan qazirgi pandemııalyq jaǵdaıdyń turaqsyzdyǵy men koronavırýstyq ınfektsııanyń jańa mýtatsııalarynyń paıda bolýyna baılanysty SAK úkimeti bıylǵy 2021 jyly da qajylyq rásimderin shekteý týraly sheshim qabyldady. Iaǵnı, bıylǵy úlken qajylyqqa Saýd Arabııasynyń azamattary men rezıdentterine ǵana, barlyǵy 60 myń adamǵa qajylyq mindetin óteýge ruqsat berilmek. Demek, sheteldik musylmandar bıyl da qajylyqqa bara almaıdy.

Esterińizde bolsa, byltyr Saýd Arabııasynyń Densaýlyq saqtaý mınıstrligi pandemııadan týyndaıtyn qaýip-qaterdiń aldyn alý jáne onyń taralýyna jol bermeý, sondaı-aq jahandyq densaýlyq saqtaý uıymdarynyń talaptaryn eskere otyryp qajylyq rásimine birqatar shekteý qoıǵan bolatyn.

Osy rette, Qazaqstan musylmandary dinı basqarmasy 2021 jylǵy qajylyq maýsymyna nıet etken otandastarymyzdy sabyr saqtap, qandaı da bir zańsyz jolmen qasıetti Mekke jáne Mádına qalalaryna barmaýǵa keńes beredi.

Qajylyq jáne umra rásimderine qatysty jańa aqparattar bolǵan jaǵdaıda qosymsha habarlanady.