«ÁL-FARABI» MEShITINDE JAMAǴATQA ARNALǴAN MÁÝLIT KEShI ÓTTI (FOTO)

Búgin «Ábý Nasyr ál-Farabı» meshitinde jamaǵatqa arnalǵan Máýlit keshi ótkizildi. Aqsham namazynan keıin meshit jamaǵatyna Máýlit merekesiniń qurmetine oraı arnaıy aq dastarhan jaıyldy.

Máýlit keshi ádettegideı meshit ustazy, qarı Murat Daırabaıulynyń Máýlit oqýymen bastaldy. QMDB janyndaǵy «Jastar isi» sektorynyń meńgerýshisi Baǵjan Erbolatuly meshit jamaǵatyn Máýlit aıynyń kelýimen quttyqtap, qasıetti aıdyń qadir-qasıeti haqynda baıandady.

Meshitke arnaıy kelgen Respýblıkalyq bas meshittiń naıb ımamy, ustaz Ádilhan Orazov jıylǵan jamaǵatqa Máýlit merekesiniń Islam dinindegi mańyzdylyǵy taqyrybynda kórkem nasıhat aıtty.

Nasıhat barysynda naıb ımam Qurandaǵy Alla Elshisine (s.ǵ.s) qatysty aıattardy, Paıǵambarymyzǵa (s.ǵ.s) degen súıispenshiliktiń máni, Onyń (s.ǵ.s) shapaǵat etýi, Alla Elshisiniń (s.ǵ.s) súnnetine erýdiń mańyzdylyǵy jaıyndaǵy tyń taqyryptarǵa keńinen toqtalyp, kórkem mysaldar men ǵıbratty oqıǵalardy tilge tıek etti.

Ardaqty Paıǵambarymyzdyń (s.ǵ.s) ónegeli ómirimen jaqyn tanysqan jamaǵat meshit ujymyna maǵynaly basqosý úshin óz alǵystaryn bildirdi.