«ÁL-FARABI»: «IMANI JAZ - 2024» OQÝShYLARYNA SERTIFIKAT TABYSTALDY (FOTO)

«Ábý Nasyr ál-Farabı» meshitinde 10-30 maýsym aralyǵynda ótken mektep oqýshylaryna arnalǵan jazǵy saýat ashý kýrsy óz máresine jetti.

Jıyrma kún ishinde 180 kishkentaı shákirtterimiz meshitimizde Quran álippesi, ımandylyq sabaqtarymen qatar tálim-tárbıe dáristerin aldy.

Saýat ashý kýrsynyń aıaqtalýyna baılanysty meshittiń ımamdary men ustazdary shákirttermen jáne olardyń ata-analarymen bas qosty. Berekeli jıynda meshittiń bas ımamy Nurlan Ramazanov quttyqtaý sóz sóılep, oqýshylardyń jıyrma kúndik jetistikteri jaıly ata-analaryna baıandap berdi.

Az ýaqyttyń ishinde jazǵy kýrs shákirtteri Alla Taǵalany taný, ata-anaǵa qurmet kórsetý, durys tamaqtaný ádepteri sekildi paıdaly ári mańyzdy dáristerden úlgi-nasıhat ala bildi. Oqýshylarǵa «Imandylyq álippesi», «Quran álippesi» jáne «Tárbıe dáristeri» kitapshalary negizinde bilim berildi. Meshit ımamdary men ustazdary tárbıe sabaqtaryna ózderi qatysyp, balalarǵa Alla Taǵalany taný, ata-anaǵa qurmet kórsetý, durys tamaqtaný ádepteri sekildi paıdaly ári mańyzdy dáristerdi júrgizdi. Ata-analar balalarynyń osy qysqa merzimde alǵan bilimderine tánti bolyp, meshit ımam-ustazdaryna alǵystaryn jaýdyrdy.

Aıta keteıik, saýat ashý kýrsyndaǵy búldirshinderge sabaq berýge meshit ustazdarymen qatar «Astana» medresesiniń shákirtteri atsalysqan bolatyn. Jıyn sońynda meshit ustazdary shákirtterge jazǵy saýat ashý kýrsyn tolyq aıaqtaǵanyn rastaıtyn arnaıy sertıfıkat jáne meshit ujymy atynan arnaıy ázirlengen estelikke syı-sııapat tabystady.

Источник: Aidos