«Adamzattyń asyl táji» atty rýhanı kesh ótti (FOTO)

Elorda tórinde jaqynda ǵana jamaǵatqa esigin aıqar ashqan «Rahymqyzy Raısa Ana» meshitin de búgin «Adamzattyń asyl táji»  atty Máýlit keshi bolyp ótti.

Meshittiń áıel jamaǵatynan quralǵan «Raısa Ana qyz-kelinshekter mektebiniń» uıytqy bolýymen ótken rýhanı keshre qalamyzdaǵy Jastar teatrynyń ónerpazdary shaqyrylyp,  jamaǵatty taǵylymdy kórinister men mazmundy monologtar arqyly ımanǵa uıyta tústi.

Kesh aıasynda kelýshilerge «Muhammed (s.ǵ.s.) qandaı adam edi», «Ol dúnıege kelgen kezde qandaı oqıǵalar oryn aldy», «Salaýat aıtýdyń 10 paıdasy» t.b. beıne-slaıdtar men kórinister kórsetildi. Qasıetti Quran aıattary oqylyp, Alla Elshisine (s.ǵ.s.) sansyz salaýattar joldanǵan rýhanı shara aıasynda qazaqy qara óleń oqylyp, jamaǵat aldynda Muhtarqyzy Ámına esimdi shákirt «Paıǵambarǵa saǵynyshyn» jetkizdi.

Máýlit merekesine oraı jamaǵat arasynda júrgizilgen «Adamzattyń asyl táji» baıqaýynyń irikteý kezeńinen súrinbeı ótken 6 úmitker arasynda búgingi keshte aqtyq saıys uıymdastyryldy. Kórermen aldynda óz bilimderin pash etip, biliktilikterin kórsetken qatysýshylarǵa júldeli oryndar berilip, arnaıy marapattaldy.

Sýretterdi «FOTOGALEREIa» aıdarynan kóre alasyzdar!