«Adamzattyń abzaly» atty Máýlit keshi ótti (FOTO-VIDEO)

Búgin QMDB-nyń ǵımaratynda «Áziret Sultan» meshitiniń «Inabat» qyz-kelinshekter klýby jáne «Nur Astana» meshitiniń «Qyz Jibek» áıel-qyzdar klýbynyń uıymdastyrýymen «Adamzattyń abzaly» atty rýhanı máýlit keshi bolyp ótti. 

Quran aıattarymen bastaý alǵan ıgi shara barysynda Paıǵambarymyzǵa (s.ǵ.s.) salaýattar aıtylyp, kesh qonaqtaryna ǵıbratty sahnalyq qoıylymdar usynyldy.
Máýlit keshine QMDB-nyń naıb múftıi Ershat Ońǵarov pen Nasıhat jáne qoǵammen baılanys bóliminiń meńgerýshisi Batyrjan Mansurov jáne Respýblıkalyq «Áziret Sultan» meshitiniń naıb ımamy, qarı Jumanazar Sadyrhanuly jáne de QR eńbek sińirgen qaıratkeri, ánshi Altynaı Jorabaeva, termeshi, sazger Zaǵıpa Imanǵazıeva, aıtysker aqyn Sara Toqtamys pen qoǵam qaıratkeri Orazgúl Asanqazy qatysty. 

Sondaı-aq, Máýlit aıynyń qurmetine oraı Muslim.kz portaly jarııalaǵan #MaýlitChallenge ıgi ister Estafetasynda júldeli oryndarǵa ıe bolǵan jeńimpazdar marappataldy.

Paıǵambarymyzdyń (s.ǵ.s.) ónegeli ómiri úmmeti úshin máńgi óshpes shamshyraq ispetti. Ol aqyretke deıin kúlli musylman qaýymynyń sarǵaıǵan saǵynyshy men adamdyqtyń kemel úlgisi bolyp qala bermek. Keshke jınalǵan jurtshylyq osy bir úzik syrǵa kýá bolyp qaıtty.

Sýretterdi «FOTOGALEREIa» aıdarynan kóre alasyzdar!